წონა და წყალი

ყველამ იცის თუ რა არის წყალი, წყურვილის შემთხვევაში, შეგვიძლია უბრალოდ მოვუშვათ ონკანი და დავლიოთ ის. ერთი შეხედვით, ფერის, სუნისა და გემოს არმქონე სითხე, სასიცოცხლოდ ყველაზე მნიშვნელოვანი ნივთიერებაა.


წყალი დედამიწის არსებობისთვის ერთ-ერთი ყველაზე მნიშვნელოვანი ელემენტია. სადაც წყალია, იქ სიცოცოხლეა და სადაც მისი ნაკლებობაა, იქ არსებობისთვის ბრძოლა მიდის.

წყალს დიდი მნიშვნელობა აქვს ადამიანის სასიცოცხლო ფუნქციებში და მის ნაკლებობას დეჰიდრატაციის სახით, ორგანიზმისთვის სერიოზული პრობლემების გამოწვევა შეუძლია. წყალის სათანადო რაოდენობის მიღება მნიშვნელოვანია ვარჯიშის დროსაც.

სხვადასხვა დროს მიღებული სტანდარტების გამო, ამ საკითხთან მიმართებაში მოსაზრებებიც განსხვავებულია.  



ის რომ, ვარჯიშის დროს წყლის დალევა მავნებელია, რადგან თირკმელების გადატვირთვას იწვევს და ფერხდება წონაში კლების პროცესი, უკვე მოძველებულ და მცდარ შეხედულებად ითვლება. 

წყლის ყველაზე დიდი კონცენტრაციის შეკავება კუნთებში ხდება, ცხიმოვანი ქსოვილები კი წყლის მხოლოდ მცირე ნაწილს შეიცავენ. წყალს მრავალი სასიცოცხლოდ მნიშვნელოვანი ფუნქცია აკისრია:

– სისხლში სითხის შემცველობა ხელს უწყობს კუნთების გლუკოზით მომარაგებას, ქსოვილებს და ორგანოებს აწვდის საკვებ ნივთიერებებს და გამოაქვს მეტაბოლური პროცესების ნარჩენები.

სითხე, შარდის საშუალებით, ჩენი ორგანიზმიდან გამოდევნის არასაჭირო ზედმეტ მეტაბოლურ პროდუქტებს.

– სითხე აუცილებელია სხეულის ტემპერატურის რეგულირებისათვის.

ის, თუ რა რაოდენობის წყალი გესაჭიროებათ ვარჯიშამდე, ვარჯიშის პერიოდში და მისი დასრულების დროს, ბევრ ფაქტორზეა დამოკიდებული. პირველ რიგში კი, ვარჯიშის ინტენსივობაზე და მის ხანგრძლივობაზე. წყლის საჭიროება ასევე განისაზღვრება ჰაერის ტემპერატურის, ტენიანობის და პირადად თქვენი ფიზიოლოგიური აგებულების მიხედვით.

აშშ სპორტული მედიცინის აკადემიის რეკომენდაციით:

დალიეთ ნახევარ ლიტრამდე წყალი ვარჯიშის დაწყებამდე ორი საათის განმავლობაში, რათა ორგანიზმი უზრუნველყოთ სათანადო რაოდენობის სითხით და ხელი შეუწყოთ ჰიდრატაციის პროცესს.

ვარჯიშის პერიოდში რეგულარული ინტერვალებით სვით წყალი, რათა ორგანიზმა ოფლის გამოყოფის მიუხედავად, შეინარჩუნოს სითხის საჭირო რაოდენობა.

წყალი ან სითხე უნდა იყოს 15-23 გრადუსი ტემპერტურის,  არომატული, სასიამოვნო დასალევი, რათა უზრუნველყოს სითხის ცირკულაცია მთელს ორგანიზმში.

ნახშირწყლებითა და სხვადასხვა მინერალებით გაჯერებული სპორტული სასმელები კი, რეკომენდებულია 1 საათზე მეტი ხანგრძლივობის ვარჯიშის შემთხვევაში.